Ұлы Құдірет тарапынан құмырсқаларға орманның тазалық қызметі жүктелген. Жарты гектарлық орманды алқапты мекендейтін құмырсқалар бір сағаттың ішінде-ақ жүз мың жапырақ жәндіктері мен 2000 жұлдызқұртты жинап ұяларына таси алады.

Оңтүстік шығысқа бет алған сайын ағаштардың түрлері өзгеріп отырады. Қылқанжапырақты ағаштардың қою жасыл түсі жалпақ жапырақты ағаштардың ашық түсіне ауысады. Мұндай ормандарда емен, шетен, қайың секілді ағаштар көп өседі. Олардың жұмсақ, дымқыл әрі дәмді жапырақтары ұсақ жәндіктердің қорегіне жарайды. Құстардан, сүтқоректілерге, жыртқыштардан кеміргіштерге және құрт-құмырсқалардан бірклетка-лыларға дейін орманда тіршілік етеді. Бұл жан-жануарлардың қай-қайсысы да өте мұқият, бір-біріне қатысты теңдессіз шеберлікпен жаратылған. Бұл жаратылыстардың барлығы да аса бір үйлесімдікпен, кісі таңғаларлық экологиялық тепе-теңдікте өмір сүреді. Ойланған жанға, орман біткен Ұлы Жаратушының әсемдеуші, әрлеуші, ғажап үйлестіруші әрі аса рақымды екенін ұқтыратындай. Мәселен, жауын-шашын мөлшерін еселеу арқылы ормандар климатты да ретке келтіріп отырады. 

Адам игілігі үшін жаратылған ормандар өз кезегінде бір Құдайдың адамзатқа аманат еткен, әлем кітабының бір жасыл беті екенін паш етпей ме!?