Таң

Күн

Бесін

Екінті

Шам

Құптан

Есеппен тұрмысқа шығуға немесе үйленуге бола ма?

muftyat.kz 11.08.2017 745 0 пікір

«мы судим по внешней стороне, а скрытую сторону вверяем Аллаху»

«Біз сырт пішінге қарап пікір түйеміз, ал жасырын жағын Аллаға тапсырамыз»

Сұрақ: Есеппен тұрмысқа шығуға немесе үйленуге бола ма? 
Жауап: Әлдебір мәселені зерттегенде, оны екі көзқарас тұрғысынан қарастыру қажет: аталмыш мәселенің ислам құқығы шарттарына сәйкестігі тұрғысынан және тақуалық тұрғысынан.

Алайда үкім шығаруда оның негізі ретінде тақуалық емес, формалды құқық нормалары алынады. Ислам әдебиетінде бірінші көзқарасқа сай шығарылған үкімдер «кадайан», ал екінші көзқарасқа сай шығарылған үкімдер -  «дийанатан» деп аталады.

«Біз сырт пішінге қарап пікір түйеміз, ал жасырын жағын Аллаға тапсырамыз» деген белгілі қағидаға сәйкес әлдебір мәселені қарастыруда біз оның рұқсат етілу немесе рұқсат етілмеуіне қараймыз және тек соған қарау арқылы ғана бір шешім шығарамыз. 

Барлық ерекшеліктерді жіпке тізіп шыққан соң, енді қойылған сұрақтың жауабына келейік:

Егер адам ақша мен байлықты есепке ала отырып үйленгісі немесе тұрмысқа шыққысы келсе,  бұл ислам құқығы тұрғысынан неке үшін еш қиындық туғызбайды. Өйткені мұндай ниеттің болу, болмауы неке растығының шарты болып табылмайды.

Сөзсіз, өзара сүйіспеншілік пен сыйластыққа негізделген неке берік, шынайы  әрі теңдессіз үлкен құндылыққа ие болады.

Бір хадисте былай айтылған: «Әйелге төрт себепті үйленеді: оның байлығы үшін, оның шыққан тегі үшін, оның сұлулығы үшін, оның діндарлығы үшін. Әйелдерді діндарлығын таңдаңдар, сонда қиындық көрмейсіңдер» (Мүслім, Никах, 53).

Бұл хадистен түсінетініміз, әйелдің материалдық жағдайына қарап үйленуге рұқсат етілген болып саналады. Алайда егер бұл мәселеге тақуалық жағынан қарайтын болсақ, онда ең дұрысы жұбайды діндарлығына қарап таңдау болады.

Пікірлер (0)

Тіркелген қолданушылар ғана пікір қалдыра алады. Сайтқа кіру


Ұқсастар

Мұрағат