Таң

Күн

Бесін

Екінті

Шам

Құптан

Сансызбай ұстаз Орал жамағатымен кездесті

12.10.2017 163 0 пікір

Орал облыстық орталық мешітінде жексенбінің кешінде ақшам намазынан кейін "Әл-Азхар" университетінің түлегі, магистр, теология ғылымдарының кандидаты, Сансызбай Құрбанұлы Шоқановпен кездесу болып өтті.

Жиынның басты мақсаты – өскелең жастарды имандылыққа баулып, дін Исламды құрметтеп, ұмытыла бастаған салт-дәстүрлерімізді, ұлттық құндылықтарымызды жаңғырту, дін мен дәстүрді сабақтастыру мәселелерін қарастыру.

Жиынды жүргізген ҚМДБ-ның БҚО бойынша өкіл имамы Р.Т.Султанов сөз бастап, асыл дініміздің мәні мен мағынасына тоқталды. ҚМДБ-ның Шариғат және пәтуа бөлімі басшысының орынбасары Сансызбай Шоқановтың өзін мұсылманмын деп санаған әрбір еркек пен әйелге, жас пен кәріге бірдей пайғамбарымыз Мұхаммедтің (с.ғ.с.) өмірбаянын, мінез-құлқын дұрыс білуі уәжіп екендігін және тақуалық турасында жиналған жастарға жеңіл де түсінікті жолмен жеткізе білді.

Іс-шара барысында жиылған жамағат бірнеше сұрақтар қойып, ұстаздан қанағаттандырарлық жауаптар алды. Салмақты пікірлерді ұйып тыңдаған қатысушылардың бұл жиыннан терең, мағыналы ой түйгені сөзсіз.

Пікірлер (0)

Тіркелген қолданушылар ғана пікір қалдыра алады. Сайтқа кіру


Ұқсастар

Мұрағат