Таң

Күн

Бесін

Екінті

Шам

Құптан

АЛДЫҢҒЫ МҮФТИ МЕН ҚАЗІРГІ МҮФТИ ДІНИ БАСҚАРМАНЫҢ ДАМУ БАҒДАРЛАМАСЫН ТАЛҚЫЛАДЫ (ФОТО)

ҚМДБ баспасөз қызметі www.muftyat.kz 10.01.2018 4323 0 пікір

Бүгін Қазақстан мұсылмандары діни басқармасының төрағасы Серікбай қажы Ораз алдыңғы мүфти Ержан қажы Малғажыұлымен кездесті.

Ресми кездесуде Ержан қажы Малғажыұлы Бас мүфти Серікбай қажы Сатыбалдыұлын жауапты лауазымды қызметімен құттықтап, жұмысына береке тіледі.

«Сіз Діни басқарма тарихында үш мүфти кезеңінде төраға орынбасары қызметін белсенді атқардыңыз. Талай жыл жинақтаған тәжірибеңізді мүфтияттың жұмысын жетілдіруге жұмсадыңыз. Еліміздің игілігі мен халқымыздың руханиятын жаңғырту жолындағы жұмысыңызға береке тілеймін», – деп атап өтті Ержан қажы Малғажыұлы.

Өз кезегінде Бас мүфти Серікбай қажы Ораз мәртебелі мейманға ілтипаты мен жылы лебізін білдіріп, Қазақстан мұсылмандары діни басқармасының даму бағдарламасымен таныстырды. 2018 жылда атқарылатын ауқымды іс-шаралар мен игі бастамаларымен бөлісті.

Кездесу соңында Дін қайраткерлері мүфтияттың даму бағдарламасы туралы өзара пікір алмасты.   

Пікірлер (0)

Тіркелген қолданушылар ғана пікір қалдыра алады. Сайтқа кіру


Ұқсастар

Мұрағат