Таң

Күн

Бесін

Екінті

Шам

Құптан

ҚМДБ ТӨРАҒАСЫ ТАРАЗДА ЖАҢА МЕШІТТІҢ АШЫЛУ РƏСІМІНЕ ҚАТЫСТЫ (ФОТО)+(ВИДЕО)

ҚМДБ баспасөз қызметі www.muftyat.kz 08.11.2018 552 0 пікір

Бүгін Тараз қаласында жаңа мешіт жамағатқа есігін айқара ашты.

Алла үйінің ашылуына Қазақстан мұсылмандары діни басқармасының төрағасы Серікбай қажы Ораз қатысты.

Құлшылық үйінің ашылу рəсімінде сөз алған Бас мүфти Серікбай қажы Сатыбалдыұлы:

"Алла Тағала мешіт салған адамның дəрежесін екі дүниеде де арттырып қояды. Алла үйін тұрғызуға титімдей болсын үлес қосқан пенделер де сауаптан кенде қалмайды. Пайғамбар хадисінде: "Алла Тағала мешіт салған құлына жəннатта сарай тұрғызады", - деген. Аллаға шүкір, егемендік алған жылдардан бастап осындай күмбезді мешіттердің қатары көбейді. Халқымыз: "Азаны бар ауыл азбайды", - деген. Жаңа мешіт Жамбыл облысы жұртшылығының игілігі мен бірлігі үшін, имандылығы мен рухани дамуына қызмет етеді деген сенімдемін. Құлшылық үйі баршамызға құтты болсын", - деп атап өтті.

Салтанатты іс-шара соңында ҚМДБ төрағасы "Нəметбай" мешітінің бас имамына қасиетті Құран кітабын сыйға тартты.

Айта кетейік, жаңа мешітте бір мезетте 800 адам құлшылығын өтей алады.

Пікірлер (0)

Тіркелген қолданушылар ғана пікір қалдыра алады. Сайтқа кіру


Соңғылар

Мұрағат